Беларускі шахматыст Дзяніс Лазавік зноў абышоў Карлсена на анлайн-турніры

• 5.11.2025, 19:49

Для 18-гадовага мінчаніна перамога стала ўжо пятай у бягучым сезоне.

Беларускі гросмайстар Дзяніс Лазавік стаў пераможцам чарговага анлайн-турніру па хуткіх шахматах «Тытульны аўторак».

У гэтым розыгрышы спаборніцтва ён апынуўся вышэй у рэйтынгу, чым нарвежац Магнус Карлсен.

Для 18-гадовага мінчаніна перамога стала ўжо пятай у бягучым сезоне. Тым самым ён палепшыў свой мінулагодні вынік, калі перамагаў чатыры разы.

Гэтым разам Лазавік набраў 9,5 ачка з 11 магчымых.

Наш суайчыннік атрымаў дзевяць перамог, завяршыў унічыю адну партыю і аднойчы пацярпеў паразу — ад японца Хікару Накамуры, які заняў трэцяе месца; у яго 8,5 ачка.

Другая пазіцыя дасталася нарвежцу Магнусу Карлсену, які набраў 9 ачкоў і саступіў беларусу ў асабістай сустрэчы, гуляючы чорнымі.

За перамогу ў турніры Дзяніс Лазавік атрымаў грашовы прыз у памеры $1000.