Tesla рыхтуе лятаючы аўтамабіль

• 5.11.2025, 17:40

Маск раскрыў першыя падрабязнасці.

Генеральны дырэктар Tesla Ілон Маск намякнуў на тое, што кампанія распрацоўвае лятаючы аўтамабіль. Паводле яго, навінку могуць прадставіць ужо да канца года, піша Axios.

Адзначаецца, што ў інтэрв’ю падкастэру Джо Рогану мільярдэр зрабіў гучную заяву пра распрацоўку лятаючага аўтамабіля. Паводле Маска, кампанія блізкая да прэзентацыі прататыпа, і яна будзе незабыўнай. Ён адзначыў, што такі аўтамабіль хацеў бы набыць прадпрымальнік Пітэр Тіль.

«Мой сябар Пітэр Тіль аднойчы заўважыў, што ў будучыні павінны былі з’явіцца лятаючыя аўтамабілі, але ў нас іх няма. Я думаю, што калі Пітэр хоча лятаючы аўтамабіль, мы павінны мець магчымасць яго купіць», — сказаў Маск.

У выданні дадалі, што на сённяшнім рынку найбольш блізкімі да лятаючых аўтамабіляў з’яўляюцца электрычныя транспартныя сродкі з вертыкальным узлётам і пасадкай (eVTOL). Над такімі мадэлямі, у прыватнасці, працуюць кампаніі Joby Aviation, Volocopter і Jetson.

eVTOL падобныя на вялікія дроны і найчасцей умяшчаюць некалькі чалавек. Прыхільнікі гэтай ідэі сцвярджаюць, што яны могуць зрабіць транспарт больш экалагічным, ціхім, бяспечным і даступным.