Наёмнікі з беларускімі пашпартамі ўцякаюць з расійскай арміі

• 5.11.2025, 12:43

Вядома пра тры выпадкі.

Трое ўраджэнцаў Беларусі апынуліся ў спісе з 1292 вайскоўцаў, якія дэсерціравалі з 144-й асобнай мотастралковай брыгады Узброеных Сіл РФ. Такія звесткі 30 кастрычніка апублікаваў украінскі праект «Хачу жыць».

«У нас няма інфармацыі пра іх лёс, толькі ведаем, што людзі ў гэтым спісе падаваліся ў вышук іх камандзірамі як тыя, хто здзейснілі СОЧ (самавольнае пакіданне часткі — прым.)», — расказалі «Хачу жыць» «Еўрарадыё».

У спісе значацца:

Віталь Віктаравіч Шаўчык, 15 мая 1989 года, з вёскі Гарановічы [верагодна, Баранавічы] Брэсцкай вобласці.

Юсін Віталь Аляксандравіч, 13 снежня 1970 года, месца нараджэння — Брэст.

Усцінаў Сяргей Віктаравіч, нарадзіўся 18 красавіка 1977 года ў г. Выхове [верагодна, Быхаў] Магілёўскай вобласці.