У Беларусі з'явілася халва са смаком шкварак

• 5.11.2025, 12:14

Меркаванні падзяліліся.

У продажы ў Беларусі з'явіўся незвычайны прадукт – халва са смаком шкварак і смажанай цыбулі. І ў інтэрнэце адразу ж пачалі актыўна абмяркоўваць такую экзатычную салодкасць.

Навінку выпусціла фабрыка «Красный пищевик». Яе паспелі ацаніць магілёўскія блогеры ў TikTok. Знайсці халву з незвычайным смакам можна ў фірменных крамах кампаніі. Цана – Br1,07 за 60 г.

Варта адзначыць, што меркаванні пра гэты прадукт падзяліліся. Камусьці ён прыйшоўся даспадобы, хтосьці лае такое спалучэнне смакоў.