Германія перадала Украіне дзве сістэмы Patriot

• 4.11.2025, 17:39

Украінскія спецыялісты іх асвойваюць.

Прэзідэнт Украіны Уладзімір Зяленскі заявіў, што нядаўна Германія перадала Украіне дзве сістэмы супрацьпаветранай абароны Patriot.

Пра гэта ўкраінскі прэзідэнт сказаў падчас анлайн-выступлення на саміце па пытаннях пашырэння ЕС, які транслюе Euronews.

Зяленскі заявіў, што Расія не мае поспеху на фронце, таму кіраўнік Крэмля Пуцін распачаў энергетычны тэрор. У гэтым кантэксце ўкраінскі прэзідэнт адзначыў дапамогу Еўрапейскага Саюза Украіне, у прыватнасці Германіі.

- Я хацеў бы выказаць сваю ўдзячнасць Германіі. Нядаўна яны перадалі нам дзве сістэмы Patriot, і мы іх асвойваем, – сказаў украінскі лідар.

Заўважым, у нядзелю, 2 лістапада, Зяленскі заявіў, што Украіна «ўмацавала кампанент» сістэм Patriot у сваёй супрацьпаветранай абароне. Тады ён падзякаваў нямецкаму канцлеру Фрыдрыху Мерцу за гэта, аднак канкрэтных дэталяў адносна паставак не паведаміў.