Спэцназ ГУР разнёс штаб расійскіх акупантаў у Авдзеўцы

• 4.11.2025, 16:43

Знішчаныя афіцэры і аператары дронаў.

Украінскія выведнікі нанеслі ўдар па штабу кіравання дронамі расійскага падраздзялення «Рубікон» у акупаванай Авдзеўцы Данецкай вобласці. Знішчаныя афіцэры і аператары БПЛА.

Пра гэта паведамляе Галоўнае ўпраўленне выведкі Украіны.

«У паўразбураным доме акупаванай Авдзеўкі Данецкай вобласці байцы ГУР МА Украіны выявілі штаб расійскіх захопнікаў з так званага цэнтра «Рубікон», — гаворыцца ў паведамленні.»

Паводле даных выведкі, «Рубікон» спецыялізуецца на выкарыстанні беспілотных сістэм, у прыватнасці ўдарных дронаў, і з’яўляецца адной з баяздольных структур акупацыйнай арміі, на якую РФ траціць значныя рэсурсы.

Атрымаўшы каардынаты варожага размяшчэння, выведнікі ГУР нанеслі прыцэльны ўдар беспілотным сродкам FP-2, абсталяваным баявой часткай вагой больш за 105 кг.

У выніку ўдару ліквідаваныя афіцэры і аператары беспілотнікаў расійскага «Рубікона», якія знаходзіліся ў штабе.