Байцы ГУР узялі пад кантроль астравы на тэрыторыі былога Кахоўскага вадасховішча

• 4.11.2025, 15:55

Падняты ўкраінскі сцяг.

Спецназаўцы Галоўнага ўпраўлення разведкі Мінабароны Украіны ўзялі пад кантроль астравы ў «шэрай зоне» на тэрыторыі былога Кахоўскага вадасховішча.

Пра гэта паведаміла прэс-служба ГУР у аўторак, 4 лістапада.

Паспяховую разведвальна-дыверсійную аперацыю ажыццявілі байцы падраздзялення «Братэрства», што ўваходзіць у склад «Спецпадраздзялення Цімура».

У межах аперацыі ў раёне ўчастка «Вялікія Кучугуры», які знаходзіцца ў сямі кіламетрах ад берагавой лініі, спецназаўцы ГУР выявілі і ліквідавалі дваіх расійскіх акупантаў.

Байцы «Братэрства» паднялі на тэрыторыі астравоў украінскі сцяг і ўзялі тэрыторыю пад кантроль, дадалі ў ГУР.