У цэнтры Мінска загарэлася кавярня

• 4.11.2025, 14:38

З будынка эвакуявалі дзясяткі чалавек.

Ратавальнікі ліквідавалі ўзгаранне ў сталічнай кавярні «Баклажан», якая знаходзіцца на вуліцы Камсамольскай, паведамілі ў прэс-службе МНС.

Паводле папярэдняй інфармацыі, у памяшканні кавярні ў вентыляцыйнай шахце загарэліся адклады. Да прыбыцця падраздзяленняў МНС з будынка эвакуявалі 50 чалавек.

У выніку пажару ніхто не пацярпеў.