Беларусы адмовіліся купляць маёмасць Віктара Бабарыкі

• 30.11.2025, 18:03

Таргі не адбыліся.

На аўкцыён паўторна выставілі частку калекцыі твораў мастацтва палітзняволенага, экс-банкіра Віктара Бабарыкі. Аб'явы былі апублікаваныя на сайце «БелЮрОбеспечения». Аднак у выніку таргі не адбыліся.

Нагадаем, калекцыю экс-банкіра ўжо спрабавалі прадаць у кастрычніку. Агульная стартавая вартасць 19 твораў мастацтва складала каля 344 тысяч рублёў.

Частку карцін — найбольш танных — тады прадалі.

Нагадаем, 6 ліпеня 2021 года Вярхоўны суд вынес прысуд. Віктар Бабарыка атрымаў 14 гадоў калоніі ўзмоцненага рэжыму. Праваабаронцы лічаць гэты прысуд палітычна матываваным.