Зяленскі распавёў прэзідэнту Фінляндыі, да чаго Украіна рыхтуецца на перамовах з ЗША

• 30.11.2025, 14:39

Ад амерыканскага боку паступілі сігналы.

Прэзідэнт Украіны Уладзімір Зяленскі і прэзідэнт Фінляндыі Аляксандр Стуб падчас тэлефоннай размовы абмяняліся ацэнкамі актуальных дыпламатычных перспектыў і інфармацыяй пра аспекты пазіцыі краіны-агрэсаркі Расіі.

Пра гэта Зяленскі паведаміў у нядзелю, 30 лістапада, у сваім Telegram-канале.

«Праінфармаваў Алякса пра тое, да чаго ўкраінская дэлегацыя рыхтуецца на перамовах у Амерыцы, а таксама пра сігналы, якія мы атрымлівалі ад амерыканскага боку», — гаворыцца ў паведамленні ўкраінскага лідара.

Паводле слоў Зяленскага, на наступным тыдні чакаецца шмат працы і з партнёрамі Украіны ў Еўропе.

«І важна, каб усе мы мелі аднолькавае бачанне сітуацыі і разуменне, што ціск на Расію як на адзіную прычыну гэтай вайны, а не на Украіну, можа рэальна спрацаваць дзеля міру», — падкрэсліў ён.