Беларускім вадзіцелям нагадалі пра апошні дзень

• 30.11.2025, 12:10

З 1 снежня трэба ездзіць паводле новых сезонных патрабаванняў.

Згодна з Правіламі дарожнага руху, пры ўдзеле ў дарожным руху з 1 снежня па 1 сакавіка аўтамабілі з тэхнічна дапушчальнай максімальнай масай да 3,5 тоны ўключна, легкавыя і грузапасажырскія аўтамабілі з тэхнічна дапушчальнай максімальнай масай звыш 3,5 тоны, а таксама аўтобусы з тэхнічна дапушчальнай максімальнай масай да 5 тон павінны быць абсталяваныя зімовымі шынамі. Зімовыя шыны ўсталёўваюцца на ўсіх колах транспартнага сродку і павінны адпавядаць шэрагу патрабаванняў, піша Onlíner.

Зімовыя шыны — гэта шыны, на маркіроўцы якіх адначасова прысутнічаюць два знакі:

знак гарнай вяршыні з трыма пікамі і сняжынкай унутры;

адзін з наступных знакаў: «M+S», «M&S», «M S».

Толькі калі на маркіроўцы нанесены абодва знакі, такія шыны лічацца зімовымі, у тым ліку пры наяўнасці любых дадатковых абазначэнняў (+All Season; Road + Winter (R+W); Any Weather і інш.).

Пры гэтым падчас эксплуатацыі зімовыя шыны павінны мець астаткавую глыбіню ўзору пратэктара не менш за 4 мм.

За ўдзел у дарожным руху зімой на летніх або зношаных шынах прадугледжаная адміністрацыйная адказнасць: папярэджанне або штраф да 1 базавай велічыні (42 рублі), а пры паўторным парушэнні на працягу года — ад 2 да 5 базавых велічынь (84—210 рублёў).

У ДАІ падкрэслілі, што, калі такое парушэнне прывядзе да стварэння аварыйнай сітуацыі або ДТЗ, штраф прадугледжаны значна большы з магчымым пазбаўленнем права кіравання.