Беларусы пачалі эканоміць на ежы?

• 30.11.2025, 10:42

У сельскай мясцовасці ўзровень беднасці амаль у два разы вышэйшы, чым у гарадах.

У трэцім квартале 2025 года частка насельніцтва, у якога сярэднедушавыя распараджальныя рэсурсы былі ніжэй за бюджэт пражытковага мінімуму, складала 3,4%. У сельскай мясцовасці гэты паказчык амаль у два разы вышэйшы (5,6%), чым у гарадах (2,7%), паведамляе Белстат.

Найменшы працэнт малазабяспечаных грамадзян зарэгістраваны ў Мінску (1,1 %), а найбольшы — у Магілёўскай вобласці (5,1 %).

Частка выдаткаў на харчаванне ў трэцім квартале крыху знізілася і склала 37,2% ад агульных спажывецкіх выдаткаў (1 907,2 рубля). Адначасова ўзрасла ўдзельная вага выдаткаў на непрадавольчыя тавары (35,9%) і аплату паслуг (24,7%).