МЗС Італіі выклікаў пасла Расіі з-за публікацый Захаравай

• 3.11.2025, 23:20

Яна са здзекам пісала пра абрынутую вежу Конці.

Пасла Расіі ў Рыме Аляксея Парамонава выклікалі ў МЗС Італіі, піша ANSA. Агенцтва ўдакладняе, што яму вынесуць вымову з-за заяў прадстаўніцы МЗС Расіі Марыі Захаравай.

3 лістапада ў цэнтры Рыма абрынулася вежа Конці, якую пабудавалі на пачатку XIII стагоддзя. Некалькі чалавек апынуліся пад заваламі. Адзін мужчына быў шпіталізаваны.

Пазней Марыя Захарава напісала ў тэлеграм-канале, што хутка «Італія рухне ўся: ад эканомікі да вежаў». Яна таксама адзначыла, што ўрад краіны аказваў фінансавую і вайсковую дапамогу Украіне.