Беларусь і Іран абмяркоўваюць супрацоўніцтва ў галіне СПА

• 3.11.2025, 22:04

У Мінску адбылася сустрэча вайсковых дэлегацый абедзвюх краін.

У Мінску адбылася сустрэча вайсковых дэлегацый Беларусі і Ірана. Яны абмеркавалі паглыбленне кантактаў у галіне ваенна-паветраных сіл і СПА.

«У ходзе сустрэчы бакі абмеркавалі стан беларуска-іранскіх адносін і вызначылі далейшыя шляхі паглыблення супрацоўніцтва», — гаворыцца ў паведамленні Мінабароны Беларусі.

Іранская дэлегацыя знаходзіцца ў Беларусі з 2 па 5 лістапада. Падчас афіцыйнага візіту прадстаўнікі Ваенна-паветраных сіл Ірана наведаюць Ваенную акадэмію Беларусі і вайсковыя часці Паветраных сіл краіны.