Прэзідэнт Сербіі абвясціў пра правядзенне датэрміновых выбараў на фоне пратэстаў

• 3.11.2025, 21:53

Аляксандар Вучыч заявіў, што пойдзе насустрач пратэстоўцам.

У Сербіі адбудуцца датэрміновыя парламенцкія выбары, заявіў прэзідэнт краіны Аляксандар Вучыч, паведамляе Srbija Danas.

Паводле яго слоў, галасаванне адбудзецца да заканчэння бягучага тэрміну паўнамоцтваў парламента, які заканчваецца ў снежні 2027 года. Дакладныя даты будуць вызначаныя пазней. «Паважаючы патрабаванні тых, хто блакуе, якія складаюць значную меншасць у нашай краіне, мы пойдзем ім насустрач, і выбары адбудуцца датэрмінова», — заявіў ён.

Масавыя пратэсты ўспыхнулі ў Сербіі ў гадавіну абрушэння навеса на чыгуначным вакзале ў Новым-Садзе, дзе 1 лістапада 2024 года загінулі 16 чалавек. Аднак на дэманстрацыі людзі выходзілі і раней, на працягу ўсяго 2025 года. З мая сярод патрабаванняў — правядзенне ў краіне датэрміновых выбараў.