У Англіі талісман футбольнага клуба выйшаў забаўляць гледачоў п'яным

• 3.11.2025, 21:48

Відэахіт.

П'янага талісмана англійскага футбольнага клуба «Сэнт-Албанс Сіці» выгналі са стадыёна пасля таго, як ён выйшаў на поле ў стане алкагольнага ап'янення. Пра гэта паведамляе Daily Mail.

У матчы, у якім клуб, што выступае ў сёмым дывізіёне, саступіў 0:6 камандзе з трэцяга дывізіёна, талісман неаднаразова страчваў раўнавагу і спатыкаўся аб рэкламныя шчыты. У пэўны момант ён паказаў непрыстойны жэст у бок гледачоў, пасля чаго быў выдалены са стадыёна.

У сеціве распаўсюдзілася відэа, на якім талісман спатыкаўся каля лініі поля. Пад крыкі балельшчыкаў ён спрабаваў самастойна з цяжкасцю пакінуць футбольнае поле.

На іншым роліку было паказана, як маскота вывелі з поля стюарды. У той жа час ён працягваў махаць рукамі, спрабуючы падтрымаць балельшчыкаў.