У Салігорску заўважылі незвычайны аўтамабіль

• 3.11.2025, 19:44

Такога ў свеце больш няма.

На дарогах Салігорска заўважылі незвычайны аўтамабіль, які прыцягвае ўвагу мінакоў і іншых кіроўцаў, а ў аматараў рэтра выклікае сапраўдную эйфарыю. Што гэта за аўтамабіль і колькі ўсяго спатрэбілася на яго стварэнне? Выданне «Электронный Солигорск» паразмаўляла са стваральнікам і ўладальнікам аўтамабіля.

Уладальнік, які аказаўся сціплым суразмоўцам, падзяліўся, што на стварэнне Ford Coupe Custom Street Rod у яго пайшло каля трох з паловай гадоў.

Гэта не першая сабраная ім машына. Да гэтага быў яшчэ адзін цікавы праект.

«Кастамнай зборкай аўтамабіляў я захапляюся даўно. Калі казаць менавіта пра гэты аўтамабіль, то на яго стварэнне натхнілі аўтамабілі маркі «Форд» 1938 года. Рухавік — 3,5 літра ад Infiniti FX35. Кузаў збіраў сам, без першапачатковай базы. Цяпер езджу на машыне сам», — падзяліўся аўталюбіцель.

Таксама салігарчанін распавёў, што кастамная зборка аўтамабіляў — не яго асноўная дзейнасць. Займаецца ён гэтым у вольны ад асноўнай працы час. Цікавыя задумы і планы ёсць, але пакуль рана пра іх гаварыць.