У Магілёве на пераходзе тралейбус збіў 12-гадовую дзяўчынку

• 3.11.2025, 18:15

Відэа аварыі.

У Магілёве на пешаходным пераходзе тралейбус збіў дзіця, паведамілі ў прэс-службе УУС.

Падзея адбылася 3 лістапада а 15:10 на скрыжаванні вуліц Першамайская — Грышына. Папярэдне ўстаноўлена, што 59-гадовы кіроўца тралейбуса, рухаючыся на забараняльны сігнал святлафора, здзейсніў наезд на 12-гадовую дзяўчынку, якая пераходзіла праезную частку па пешаходным пераходзе.

У выніку ДТЗ дзіця атрымала траўмы і было дастаўлена ў бальніцу.