Адзін з найлепшых змагароў у гісторыі Беларусі аднаўляе спартыўную кар’еру

• 3.11.2025, 16:52

Легенда UFC Андрэй Арлоўскі дэбютуе ў боксе.

Былы чэмпіён UFC Андрэй Арлоўскі рыхтуецца правесці свой першы баксёрскі паядынак, паведамляе («Точка» https://tochka.by/articles/sport/andrey_orlovskiy_snova_v_dele_no_uzhe_ne_v_ufc_gde_vystupit_boets/).

Яго супернікам стане брытанец Келечы Дайк (вядомы таксама як Kelz). Паядынак адбудзецца 9 лістапада ў Нэшвіле (ЗША) у межах турніру Misfits Boxing.

Для 32-гадовага Дайка гэта будзе трэці бой у прафесійным боксе — на яго рахунку адна перамога і адна параза.

Да пачатку баксёрскай кар’еры ён гуляў у амерыканскі футбол, выступаючы за «Лондан Уорыярз» і «Вена Вікінгз», а таксама стаў вядомы шырокай публіцы дзякуючы ўдзелу ў рэаліці-шоу Netflix.

Арлоўскі, якому 45 гадоў, значна больш вопытны за суперніка. За сваю кар’еру ён правёў 42 паядынкі ў UFC і пакінуў прамоўшн у 2024 годзе.

Праверка