Зноў на Маскву?

• Аббас Галлямов
• 3.11.2025, 12:10

Для Z-патрыётаў Прыгожын — гэта альтэрнатыва Пуціну.

Эстонскі МЗС запатрабаваў ад Расіі тлумачэнняў з нагоды з'яўлення на Нарве расійскага патрульнага карабля пад сцягам «Вагнера». Я прачытаў гэтую навіну і задумаўся: а каго, уласна, названы сцяг павінен трывожыць больш — эстонцаў ці Пуціна?

«Вагнер» і яго заснавальнік увайшлі ў гісторыю як сімвал вайсковай эфектыўнасці, на якую аказалася няздольнай афіцыйная пуцінская армія; як бунтары, што паўсталі супраць карумпаванай і дэградаванай дзяржавы. Гэта тыпаж «антыбюракратычнага патрыёта» — шчырага і дзейнага, а не кан'юнктурнага і балбатлівага.

Для «патрыётаў» Прыгожын — гэта альтэрнатыва Пуціну. Ва ўмовах расчаравання «патрыятычнага» сегмента ў дзяржаўнай бюракратыі ў цэлым і ў прэзідэнце як галоўным бюракраце краіны ў прыватнасці, вобраз Прыгожына ўяўляе для Крамля не меншую пагрозу, чым для Эстоніі.

Прасцей кажучы, гэта яшчэ вялікае пытанне, у якім напрамку рушыць новы «Вагнер»: у бок Таліна ці, як мінулы раз, — на Маскву.

Аббас Галлямов, Telegram