Беларуска Дар’я Хамуцянская выйграла трэці турнір падрад

• 3.11.2025, 11:45

Новая зорка беларускага тэніса.

Беларуска Дар’я Хамуцянская (WTA №489) выйграла турнір катэгорыі ITF W15 у Ташкенце (Узбекістан), паведамляе «Точка».

Гэтая перамога стала для нашай суайчынніцы 15-й падрад.

Нагадаем, што Хамуцянская не прайгравала матчы з 10 кастрычніка 2025 года. А з пачатку восені яе баланс складае 29 перамог пры 2 паражэннях.

У фінале ташкентскага спаборніцтва беларуска перамагла расіянку Дар’ю Ягораву (№711) з лікам 3:6, 6:2, 6:2.

Для 21-гадовай мінчанкі перамога на турніры ITF стала шостай у кар’еры і пятай у бягучым сезоне.

Дзякуючы ўражлівай пераможнай серыі Дар’я Хамуцянская за апошні месяц дадала 177 пазіцый у сусветнай класіфікацыі.

У лайв-рэйтынгу WTA беларуска цяпер займае 454-ю пазіцыю.