Чарга на беларуска-польскай мяжы ўзрасла ў шэсць разоў

• 3.11.2025, 10:57

Сапраўдны калапс.

У шэсць разоў павялічылася чарга з легкавых транспартных сродкаў, якія следуюць праз пункт пропуску «Брэст» у Польшчу, у сувязі з закрыццём літоўскімі ўладамі мяжы з Беларуссю.

Пра гэта паведамляе тэлеграм-канал Мытныя органы Беларусі.

Калі тыдзень таму выезду праз беларуска-польскую мяжу ў сярэднім чакалі 300-400 аўтамабіляў, то ў панядзелак, 3 лістапада, гэтая лічба перавысіла 2500.

Нагадаем, 31 кастрычніка Беларусь увяла забарону на перамяшчэнне па сваёй тэрыторыі грузавых аўтамабіляў з ЕС, прычэпаў (паўпрычэпаў) з Польшчы і Літвы, а таксама легкавых польскіх аўтамабіляў, што ажыццяўляюць міжнародную перавозку тавараў.

У сувязі з гэтай мерай колькасць грузавых аўтамабіляў, якія чакаюць выезду ў Польшчу і Латвію, вярнулася да стабільных для цяперашняга часу лічбаў, паведамляе Дзяржаўны мытны камітэт.

Цяпер выезду з пункта пропуску «Казловічы» ў польскім напрамку чакаюць 2100 грузавых аўтамабіляў, з «Грыгароўшчыны» ў латвійскім — 520.