Трамп: Дні Мадуры палічаныя

• 3.11.2025, 9:27

Прэзідэнт ЗША адказаў, ці чакаць удараў па Венесуэле.

Прэзідэнт ЗША Дональд Трамп заявіў, што дні Нікаласа Мадуры на пасадзе прэзідэнта Венесуэлы палічаныя, але выказаў сумневы, што ЗША нанесуць удары па Венесуэле.

Пра гэта паведамляе CBS News.

Адказваючы на пытанне журналісткі, ці палічаныя дні Мадуры на пасадзе прэзідэнта, Трамп адзначыў:

«Я б сказаў, што так. Я думаю, што так, так».

Таксама ў студыі прагучала пытанне, ці збіраюцца ЗША наносіць удары па Венесуэле.

«Сумняваюся. Не думаю. Але яны вельмі дрэнна з намі абыходзяцца, і не толькі ў дачыненні да наркотыкаў — яны закінулі ў нашу краіну сотні тысяч людзей, якіх мы не хацелі бачыць», — падкрэсліў Трамп.

У жніўні прэзідэнт ЗША Дональд Трамп падпісаў таемную дырэктыву, якая дазваляе ажыццяўляць непасрэдныя ваенныя аперацыі супраць лацінаамерыканскіх наркакартэляў, якія былі прызнаныя замежнымі тэрарыстычнымі арганізацыямі.