У цягніка Мінск — Віцебск зламаўся лакаматыў

• 29.11.2025, 20:51

БЧ вырашае пытанне з дастаўкай пасажыраў.

Цягнік Мінск — Віцебск, што адправіўся са сталіцы а 15.05, прыбудзе з затрымкай на паўтары гадзіны, паведамляе Беларуская чыгунка.

Як тлумачыць БЧ, прычына затрымкі — няспраўнасць дызель-цягніка. З-за гэтага цягнік спынілі на перагоне Багушэўская. Зараз супрацоўнікі БЧ арганізуюць дастаўку пасажыраў: на перагон накіравалі дадатковы лакаматыў.

Чакаецца, што цягнік прыбудзе ў Віцебск з затрымкай на паўтары гадзіны. Паводле раскладу ён мусіў прыбыць а 18.22.