У Клецку на могілках знайшлі старадаўні рэвальвер

• 29.11.2025, 1:02

Яго выпускалі больш за 100 гадоў таму.

Мужчына знайшоў на могілках у Клецкім раёне наган, які выпускалі больш за сто гадоў таму. Ён наткнуўся на незвычайную знаходку, калі перакопваў зямлю на магіле ў вёсцы Колкі, паведамляе Дзяржаўны камітэт судовых экспертыз.

Мужчына паведаміў пра прадмет, падобны да пісталета, у Клецкі РАУС.

Судовыя эксперты ўсталявалі, што гэта рэвальвер сістэмы «Наган» узору 1895 года. Зброя аказалася непрыдатнай для стральбы.