Bentley выпускае першы электрамабіль

• 28.11.2025, 20:38

Стаў вядомы прыблізны кошт.

Батарэйны кросовер, які цяпер праектуе Bentley, будзе вылучацца ўнікальным спалучэннем дызайну, характарыстык, якасці зборкі і кошту, паведаміў дырэктар кампаніі па камунікацыях Уэйн Брус, піша Car Expert.

Ён адзначыў, што цяпер прэміяльныя вытворцы нічога падобнага не прапануюць.

Кросовер павінен аказацца больш кампактным за Bentayga і атрымаць прагрэсіўны паводле меркаў брэнда дызайн. Стылістычнае рашэнне для яго будзе пазычана ў канцэпта Exp 15, прадстаўленага ў сярэдзіне лета 2025-га.

Таксама пацверджана, што сілавая электроніка будучай навінкі дазволіць папоўніць запас энергіі на прабег 160 км усяго за 6,5 хвіліны.

Паводле версіі выдання, першы электрамабіль Bentley можа апынуцца блізкім тэхнічным сваяком прадстаўленага нядаўна Porsche Cayenne Electric.

Яго электраматоры развіваюць да 1156 к.с., першыя 100 км/г кросовер можа набраць за 2,5 секунды. Афіцыйная прэм'ера серыйнага кросовера адбудзецца ў 2026 годзе.

Па словах Уэйна Бруса, новы электрамабіль Bentley будзе супастаўны па цане з Bentayga ў базавай камплектацыі.