«Пара рэальных відэа ад адпачывальнікаў — і санаторый апамятаўся»

• 28.11.2025, 15:47

Гісторыя пра тое, як беларуска абурылася ежай у санаторыі, атрымала працяг.

Наведвальніца санаторыя «Сосны» на Нарачы паказала ў TikTok шведскі стол за паўгадзіны да заканчэння сняданку. Жанчына засталася незадаволеная, на яе думку, сціплым выбарам страў і напояў. На ролік адрэагавала раённая дзяржаўная газета «Нарачанская зара». Каментатары палічылі, што жанчына дасягнула свайго.

Наведвальніца санаторыя апублікавала хвіліннае відэа, дзе паказала, з яе слоў, выбар шведскага стала за паўгадзіны да заканчэння сняданку, падкрэсліўшы, што пуцёўка каштуе 600 долараў на тыдзень на чалавека.

Салату яна назвала «незразумелай мешанінай», адзначыла, што пад надпісам пра курыны акорачак — «суцэльныя спінкі», а ўсё астатняе «ў прынцыпе не вельмі». З яе слоў, у сталоўцы няма кавы ў кавамашыне, затое ёсць «супакойлівы чай», раянка і хлеб.

Каментары пад відэа жанчыны адключаныя.

«Нарачанская зара» адрэагавала праз тры дні сваім ролікам «Адказ хэйтарам на шведскі стол у санаторыі «Сосны». Відэа знята не на сняданку — як сцвярджаецца, на кадрах сітуацыя, калі «мінула амаль гадзіна абедзеннага часу». Можна заўважыць, што страў хапае.

Гледачы двух ролікаў, здаецца, зрабілі свае высновы. Папулярныя каментары пад відэа раёнкі такія:

«Відаць, крытыка спрацавала».

«Пара рэальных відэа ад адпачывальнікаў — і санаторый прыйшоў да пачуцця адказнасці. І гэта факт…»

«Вось што значыць сіла TikTok!»

«Проста ёсць людзі, якія заўсёды ўсім незадаволеныя, а яшчэ бабулям на пенсіі трэба быць дабрэйшымі, а то яны амаль усе блогеркамі сталі».

«Малайчына жанчына, якая выкладвала відэа пра бардак у гэтым санаторыі. Спрацавала».

«А чаму адказ хэйтару? Дзіўна — яна заплаціла грошы, і ёй павінны прадаставіць годныя паслугі! Яна малайчына! Усе кажуць, што цэны не адпавядаюць прадастаўляемым паслугам!»