У Мінску пажар выкрыў небяспечны тайнік

• 27.11.2025, 17:42

Работнікі ЖЭС выклікалі міліцыю.

У пачатку верасня ў адной з мінскіх кватэр здарыўся пажар. Яго патушылі, але пад вокнамі шматпавярхоўкі ўтварылася куча смецця з таго, што было ў пакоях. Работнікі ЖЭС прыехалі на прыбіранне і выявілі ў гэтым смецці тое, чаго ніяк не чакалі, — прадмет, падобны да абрэза вінтоўкі. Яны адразу патэлефанавалі ў міліцыю.

Супрацоўнікі праваахоўных органаў, у тым ліку спецыяліст Маскоўскага раённага аддзела Дзяржаўнага камітэта судовых экспертыз, правялі агляд месца здарэння. Знойдзены прадмет вылучылі і накіравалі на балістычную экспертызу.

— Па выніках праведзеных даследаванняў судовы эксперт прыйшоў да высновы, што абрэз выраблены саматужным спосабам з вінтоўкі заводскай вытворчасці шляхам саматужнага скарачэння ствала, шыйкі прыклада і дадавання дадатковых адтулін для мацавальных і прыцэльных прыстасаванняў, — рэзюмавалі ў ДКСЭ.

Абрэз з’яўляецца ручной стралковай наразной агнястрэльнай зброяй і прыдатны для стральбы з выкарыстаннем патронаў калібру 5,6 мм. Як патлумачыў уладальнік кватэры, зброю ён знайшоў у лесе і некалькі гадоў захоўваў у сябе на балконе.

Па дадзеным факце Маскоўскім РАСК узбуджана крымінальная справа па артыкуле 295 КК Рэспублікі Беларусь.