Леўшуноў забіў першую шайбу ў НХЛ

• 27.11.2025, 8:42

Але яна не ўратавала «Чыкага» ад паразы ў матчы з «Мінесотай».

27 лістапада «Чыкага» ў матчы рэгулярнага чэмпіянату НХЛ сустракаўся з «Мінесотай» (3:4 АТ).

20-гадовы беларускі абаронца Арцём Леўшуноў у адным з эпізодаў трапіў у штангу, аднак у трэцім перыядзе ён аформіў першую шайбу ў НХЛ, піша «Трыбуна».

У выніку Леўшуноў правёў на лёдзе 18:16, з іх 5:32 у большасці, забіў 1 гол, нанёс 6 кідкоў (з іх 3 міма), заблакаваў 2 кідкі суперніка, дапусціў 2 страты, зарабіў 2 хвіліны штрафу і скончыў матч з паказчыкам карыснасці «0».

У гэтым сезоне Леўшуноў правёў 22 матчы, набраў 12 (1+11) ачкоў, мае паказчык карыснасці «0» і 14 хвілін штрафу.

«Чыкага» з 25 ачкамі ў 23 матчах займае 9-е месца ў табліцы Заходняй канферэнцыі.