У Смаргоні падарвалі аварыйны будынак

• 27.11.2025, 3:44

Ён за некалькі секунд ператварыўся ў груду абломкаў.

У сераду, 26 лістапада, выбухатэхнікі правялі работы па зносе аварыйнага будынка, які знаходзіцца ў Смаргоні на Індустрыяльным праспекце, піша раённая газета «Светлы шлях».

Вялікі прамысловы будынак, узведзены яшчэ напрыканцы савецкай эпохі, але так і не знайшоўшы сабе прымянення пасля распаду СССР, за некалькі секунд ператварыўся ў груду абломкаў.