У папулярнай расійскай прыправе знайшлі кішачную палачку

• 25.11.2025, 18:04

Праверце свае запасы на кухні.

У Беларусі забаранілі прадаваць і ўвозіць адзін з прадуктаў гандлёвай маркі «Умный выбор».

Спецыялісты Дзяржстандарту знайшлі у ім кішачную палачку і іншыя недапушчальныя бактэрыі.

Ідзе гаворка пра сумесь прыправ «Для агароднінных салатаў». У яе склад уваходзяць часнык, папрыка, карыяндр, зялень кропу і пятрушкі, чорны перац, лук-парэй і іншыя спецыі.

Аднак мікрабіялагічныя паказчыкі сумесі выклікалі ў спецыялістаў пытанні.

«Прадукцыя не адпавядае патрабаванням тэхнічнага рэгламенту Мытнага саюза ТР ТС 021/2011 «Аб бяспецы харчовай прадукцыі» (ч. 1 арт. 5, ч. 1 і 2 арт. 7, раздзела 1.5 дадатку 2)», — заявілі ў Дзяржстандарце.

У спецыях перавышана дапушчальная колькасць мезафільных аэрабных і факультатыўна-анаэрабных мікраарганізмаў у 3,6 раза.

Наяўнасць бактэрый групы кішачнай палачкі, а менавіта каліформы, не дапускаецца ні ў якой колькасці.

Пад забаронай і айчынныя спецыі

Нядаўна Дзяржстандарт унёс у спіс небяспечнай прадукцыі чырвоны молаты перац і молаты карыяндр.

Абедзве спецыі вырабляе ААТ «Лідскія харчовыя канцэнтраты».

У правераных партыях выяўлена завышаная колькасць мезафільных аэрабных і факультатыўна-анаэрабных мікраарганізмаў, цвілі і кішачнай палачкі.