Аляксей Пратас увайшоў у дзясятку найлепшых гульцоў НХЛ па паказчыку карыснасці

• 25.11.2025, 17:47

Беларус дзеліць шостую пазіцыю сярод усіх гульцоў лігі.

Беларускі нападнік Аляксей Пратас займае першае месца ў «Вашынгтоне» па паказчыку «плюс-мінус», піша Smartpress.by.

У беларуса «+14» — на адзін бал больш, чым у яго аднаклубнікаў Мэта Роя і Якаба Чычрана.

Калі браць усіх гульцоў НХЛ, то Пратас-старэйшы па паказчыку карыснасці дзеліць разам яшчэ з трыма хакеістамі шостае месца. Ён саступае толькі пяці хакеістам «Каларада» на чале з Натанам Маккінанам, у якога «+23». Дарэчы, па выніках рэгулярнага чэмпіянату-2024/25 Пратас зарабіў «+54» і саступіў толькі Артуры Лехканену з таго ж «Каларада».