Расійскі дрон упаў на дом у Малдове

• 25.11.2025, 12:34

Людзей эвакуявалі.

Падчас начной атакі Расіі па Украіне адзін з беспілотнікаў заляцеў у паветраную прастору Малдовы і ўпаў на дом у горадзе Кухурэшты-дэ-Жос.

Пра гэта паведамляе паліцыя Малдовы.

«Некалькі хвілін таму ў садзе ў горадзе Кухурэшты-дэ-Жос, Фларэшцкі раён, дрон упаў на дом ахоўніка», — напісала паліцыя Малдовы ў Facebook.

Паведамляецца, што на месца здарэння выехала каманда аддзела выбухатэхнікі і тэхнікі паліцыі. Пры гэтым людзей з навакольных дамоў эвакуявалі, а перыметр узяла ў ачапленне паліцыя.

«Паходжанне дрона пакуль невядомае. Паліцыя расследуе здарэнне», — дадалі ў паліцыі.

Таксама адзначалася, што рана раніцай прынамсі два дроны ўвайшлі ў паветраную прастору Румыніі. Папярэджанні пра паветраную пагрозу былі выдадзены ў ўездах Тулча, Галац і Вранча.