Беларус Сармат Цакоеў стаў чэмпіёнам Еўропы па тхэквандо

• 24.11.2025, 15:35

У фінале быў пераможаны спартовец з Расіі.

Зборная Беларусі яскрава выступіла на чэмпіянаце Еўропы па тхэквандо ў алімпійскіх вагавых катэгорыях, які прайшоў у Швейцарыі. Нашы спартсмены заваявалі чатыры медалі — адну залатую, адну сярэбраную і дзве бронзавыя, піша smartpress.by.

Пераможцам у катэгорыі да 68 кг стаў Сармат Цакоеў. На шляху да тытула ён паслядоўна перамог ізраільцяніна Этана Генцеля, балгара Сцяфана Стаменова, паляка Матеуша Хшановскага і ўкраінца Уладзіміра Быстрова, а ў фінале аказаўся мацнейшы за расіяніна Іллі Данілава. Для Цакоева гэта другі тытул чэмпіянату Еўропы: у 2021 годзе ён перамагаў, выступаючы за расійскую зборную.

Серабро ў катэгорыі да 57 кг заваявала Юлія Вітко. Бронзавыя медалі прынеслі камандзе Георгій Гурцыеў (да 58 кг) і Марыя Струнец (да 49 кг). Агулам у турніры ўдзельнічалі 11 беларускіх атлетаў.