Беларускім ІП зноў скарачаюць магчымасці

• 24.11.2025, 12:51

Якія віды дзейнасці пад забаронай?

У Беларусі ўдакладняць спіс відаў дзейнасці, якімі могуць займацца індывідуальныя прадпрымальнікі. Адпаведны законапраект прыняты ў першым чытанні, паведамляе прэс-служба «Палаты прадстаўнікоў».

Праект закона ўдакладняе сферы, у якіх могуць працаваць індывідуальныя прадпрымальнікі.

Такім чынам, ІП больш не змогуць працаваць з дзікарослымі раслінамі і дзікімі жывёламі (акрамя палявання і рыбалоўства). Таксама выключаецца магчымасць удзелу ІП у генна-інжынернай дзейнасці.

Фізічныя асобы, якія займаюцца самастойнай прафесійнай дзейнасцю, змогуць аказваць тэхналагічныя паслугі для плацежных сістэм па дамове аўтсорсінгу.