Месі ўстанавіў унікальны рэкорд

• 24.11.2025, 10:09

Аргенцінец першым у гісторыі футболу набраў 1300 выніковых дзеянняў.

Аргенцінскі форвард «Інтэр Маямі» Ліянэль Месі устанавіў рэкорд, першым сярод футбалістаў свету дасягнуўшы адзнакі ў 1300 выніковых дзеянняў за кар'еру.

У чвэрцьфінальным матчы плэй-оф Галоўнай лігі футболу супраць «Сінсінаты» нападнік аформіў хэт-трык галявых перадач і забіў адзін гол.

На рахунку 38-гадовага Месі 896 галоў і 404 галявыя перадачы ў 1135 афіцыйных матчах. За «Барселону» футбаліст здзейсніў 941 выніковае дзеянне, за «Пары Сен-Жэрмен» — 66, за «Інтэр Маямі» — 117, а за зборную Аргенціны — 176. У апошніх дзевяці матчах адзначыўся 24 выніковымі дзеяннямі (12 галоў і 12 перадач).

Месі з'яўляецца выхаванцам каталонскай «Барселоны». У складзе асноўнай каманды ён выступаў з 2003 па 2021 год. За гэты перыяд ён правёў 835 матчаў, у якіх забіў 709 галоў. Месі чатыры разы выйграваў Лігу чэмпіёнаў у складзе «Барселоны», у 2022 годзе выйграў чэмпіянат свету са зборнай Аргенціны, двойчы выйграў Кубак Амерыкі, восем разоў аргентынец станавіўся ўладальнікам «Залатога мяча».