У камандзе Усіка ўпершыню патлумачылі, чаму ўкраінец адмовіўся ад тытула WBO

• 24.11.2025, 4:33

Новы чэмпіён — брытанец.

На пачатку гэтага тыдня ўкраінскі баксёр Аляксандр Усік адмовіўся ад пояса WBO і страціў статус абсалютнага чэмпіёна свету ў суперцяжкай вазе. 38-гадовы ўкраінец хоча, каб за тытул мелі магчымасць пазмагацца перспектыўныя баксёры, — заявіў дырэктар яго каманды Сяргей Лапін.

«Аляксандр адмовіўся ад пояса, каб даць маладым баксёрам магчымасць пазмагацца за яго. Паглядзім, як усё будзе развівацца далей», — цытуе Лапіна proboxing-fans.com.

Нагадаем, новым чэмпіёнам свету па версіі WBO стаў 30-гадовы брытанец Фабіо Уордлі, які ў кастрычніку нокаутаваў Джозэфа Паркера.

Нядаўна Уордлі заявіў, што не разумее, чаму Усік адмовіўся ад тытула WBO.