У ЗША першы комікс пра Супермена прадалі за рэкордныя $9 млн

• 21.11.2025, 19:45

Комікс быў выдадзены ў 1939 годзе.

На аўкцыёне Heritage Auctions у ЗША за $9,12 млн быў прададзены арыгінальны асобнік першага выдання комікса пра Супермена — «Супермен № 1» 1939 года, які калісьці каштаваў усяго $0,1, паведамляе NBC News. Такім чынам быў пабіты папярэдні рэкорд, устаноўлены ў 2024 годзе: тады першы нумар Action Comics 1938 года пайшоў з малатка за $6 млн.

Паводле слоў арганізатараў таргоў, новы рэкорд стаў магчымым дзякуючы практычна ідэальнаму стану лота — на 9 з 10 балаў. Комікс захаваўся нягледзячы на тое, што многія дзесяцігоддзі праляжаў у кардоннай скрынцы пад стосам старых газет. Яго выпадкова знайшлі тры браты з Паўночнай Каліфорніі, разбіраючы рэчы памерлай маці.

Як адзначае тэлеканал, прададзены на аўкцыёне лот мае велізарнае значэнне ў гісторыі пап-культуры: супергерай, прыдуманы пісьменнікам Джэры Сігелам і мастаком Джо Шустэрам, упершыню з'явіўся ў асобным выпуску.