У Беларусі рэзка знізіўся прырост рознічнага тавараабароту

• 20.11.2025, 13:35

У насельніцтва няма грошай на набыццё тавараў.

Па выніках студзеня—кастрычніка бягучага года назіралася рэзкае зніжэнне прыросту рознічнага тавараабароту ў гандлёвых сетках краіны.

Як паведаміў Белстат, па выніках дзесяці месяцаў яго прырост у супастаўных цэнах да ўзроўню студзеня—кастрычніка 2024 года склаў 7,7% (84,1 млрд рублёў).

Аднадзённы рознічны тавараабарот у разліку на душу насельніцтва з пачатку года складаў 30,3 рубля.

Для параўнання: за дзевяць месяцаў 2025 года фіксаваўся прырост на 8,2% (да 75,2 млрд рублёў).

У сярэднім за дзень па выніках студзеня—верасня беларусы пакідалі ў крамах па 30,2 рубля.