Рыбак, які шукаў чарвякоў, выпадкова знайшоў адзін з найбуйнейшых срэбных скарбаў Сярэднявечча

• 2.11.2025, 17:06

Вага знаходкі склала каля шасці кілаграмаў.

Рыбак выкапываў чарвякоў каля свайго летняга доміка пад Стакгольмам, калі наткнуўся на іржавы металічны гаршчок, напоўнены срэбрам. Унутры аказаліся ўпрыгожанні і тысячы манет. Агульная вага знаходкі склала каля шасці кілаграмаў, піша BILD.

Археолагі ўстанавілі, што манеты былі адчаканены за часоў караля Кнута Эрыксана, які кіраваў Швецыяй у другой палове XII стагоддзя. На іх можна разгледзець надпіс KANUTUS. Паводле слоў экспертаў, скарб быў закапаны прыкладна ў XII стагоддзі, то бок задоўга да заснавання самога Стакгольма, які з’явіўся толькі ў 1252 годзе.

Прадстаўніца стакгольмскай адміністрацыі Сафія Андэрсан заявіла, што «гэта, верагодна, адзін з найбуйнейшых срэбных скарбаў Сярэднявечча, калі-небудзь знойдзеных у Швецыі».

Паводле яе слоў, у гаршчку было каля 20 тысяч манет, а таксама рэдкія «біскупскія» манеты, адчаканеныя царкоўнікамі.

Цяпер скарб знаходзіцца ў спецыялістаў, якія займаюцца яго ачысткай і каталогізацыяй. Улады вырашаюць, у які музей можна перадаць знаходку, а яе аўтару выплацяць кампенсацыю.