Украінскія вайскоўцы збілі рэдкі расійскі дрон «Князь Вешчы Алег»

• 2.11.2025, 14:22

Прадстаўнік 11-га армейскага корпуса раскрыў падрабязнасці.

За мінулыя суткі падраздзяленні 53-й асобнай механізаванай брыгады збілі рэдкі расійскі разведвальны дрон, які акупанты назвалі «Князь Вешчы Алег». Пра гэта паведаміў прадстаўнік 11-га армейскага корпуса Пётр Запарожац у эфіры «Мы-Украіна».

«Хутчэй за ўсё, праціўнік яго выкарыстоўвае, у тым ліку, калі мае нейкія новыя рэсурсы, для разведвальнай дзейнасці, у тым сэнсе, што такія дроны праціўнік таксама спрабуе тэставаць, каб знаходзіць нейкае супрацьдзеянне, у прыватнасці тым заходам, якія ажыццяўляем мы», — падкрэсліў ён.

Па словах Запарожца, найбольшая канцэнтрацыя беспілотнікаў на Канстанцінаўскім і Славянскім накірунках, дзе праціўнік вядзе разведвальную дзейнасць над Часавым Ярам, Дружкаўкай і іншымі населенымі пунктамі.

«На гэтым накірунку мы знішчаем вялікую колькасць дронаў, а таксама там, дзе вядзецца разведвальная дзейнасць, туды праціўнік накіроўвае авіяцыю, артылерыю або сілы і сродкі, якія павінны будуць дзейнічаць у межах наступальных дзеянняў на тым ці іншым адцінку фронту», — растлумачыў спікер 11-га армейскага корпуса.