Турцыя гатовая прыняць новы раўнд перамоў паміж Кіевам і Масквой

• 2.11.2025, 12:48

Кіраўнік МЗС Турцыі агучыў падрабязнасці.

Турцыя гатовая зноў стаць пасрэднікам у мірных перамовах паміж Украінай і Расіяй.

Пра гэта заявіў кіраўнік МЗС Турцыі на форуме TRT World Forum, піша Yeni Şafak.

Паводле яго слоў, Анкара гатовая прыняць чацвёрты раўнд перамоў паміж дэлегацыямі дзвюх краін, а таксама магчымы саміт лідараў у Стамбуле.

«Тры раўнды перамоў паміж дэлегацыямі РФ і Украіны ў Стамбуле прывялі да адчувальных вынікаў, у прыватнасці да абмену палоннымі і аднаўлення прамога дыялогу паміж бакамі. Мы шчыра верым, што дыпламатыя застаецца адзіным шляхам да мірнага ўрэгулявання крызісу ва Украіне», — заявіў кіраўнік МЗС Турцыі.

Фідан падкрэсліў, што Турцыя і надалей будзе падтрымліваць дыпламатычныя намаганні для дасягнення міру і гатовая прадставіць сваю пляцоўку для прамых перамоў паміж Кіевам і Масквой.

Нагадаем, Украіна і Расія правялі тры раўнды перамоў у Стамбуле — у маі, чэрвені і ліпені 2025 года.