Арына Сабаленка атрымала трафей першай ракеткі свету

• 2.11.2025, 10:05

Другі год запар.

27-гадовая беларуская тэнісістка Арына Сабаленка атрымала прыз першай ракеткі свету па выніках 2025 года. Трафей спартсменцы ўручылі перад стартам Фінальнага турніру WTA ў Эр-Рыядзе, паведамляе betnews.by.

У 2024 годзе Сабаленка таксама была ўдастоена гэтага прыза. У гэтым сезоне ўраджэнка Мінска дайшла да 8 фіналаў і перамагла на 4 турнірах.

— Гэта вельмі шмат значыць для мяне. Мы шмат і ўпарта працавалі ў гэтым годзе, і гэтая праца прыносіць плён. Кожны фінал і кожны матч былі неверагоднымі. Я вельмі ганаруся гэтым сезонам і спадзяюся, што змагу завяршыць яго на добрай ноце тут, у Эр-Рыядзе, — цытуе Сабаленку прэс-служба WTA.

2 лістапада Сабаленка правядзе першы матч на Фінальным турніры. Яе саперніцай стане італьянка Жасмін Паоліні. Матч арыенціровачна пачнецца а 17:00.

Прызавы фонд турніру складае $15 500 000.