Якое будзе надвор'е ў Беларусі 20 лістапада

• 19.11.2025, 23:22

Удзень будзе ад нуля да плюс 5 градусаў.

У Беларусі 20 лістапада будзе воблачна з праясненнямі, уначы месцамі на поўначы, удзень у многіх раёнах чакаюцца невялікія кароткачасовыя ападкі (мокры снег, дождж). Пра гэта паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.

Месцамі магчымы слабы галалёд. На асобных ўчастках дарог — галалёдзіца. Вецер прагназуецца паўднёвы, паўднёва-ўсходні 4–9 м/с.

Тэмпература паветра ўначы складзе ад нуля да мінус 5 градусаў. Удзень будзе ад нуля да плюс 5 градусаў.