Буданаў — пра мір з РФ: Нашае акно зноў адчыніцца ў сярэдзіне лютага

• 19.11.2025, 21:07

Начальнік ГУР заінтрыгаваў заявай пра заканчэнне вайны.

Начальнік Галоўнага ўпраўлення разведкі Міністэрства абароны Украіны Кірыл Буданаў у інтэрв'ю «24 каналу», якое 19 лістапада было апублікавана на YouTube, сказаў, што Украіна ўзімку наблізіцца да мірнага пагаднення з Расіяй.

Журналістка нагадала, як у нядаўнім інтэрв'ю Буданаў казаў, што для заканчэння вайны павінны супасці многія фактары ў РФ, Украіне, а таксама ў Еўропе і ЗША. Яна спытала, ці блізкая цяпер да гэтага Украіна або, наадварот, аддалілася за гэты час.

«Мы будзем набліжацца да гэтага ўзімку, давайце скажу так. Нашае акно зноў адчыніцца ў сярэдзіне лютага. Усе падзеі будуць з: пачатак лютага — сярэдзіна лютага», — адказаў Буданаў.

Пра што менавіта ідзе гаворка, ён не ўдакладніў.