Лукашэнка даручыў Савету бяспекі прыняць меры, калі Літва адкрые мяжу

• 19.11.2025, 20:05

Дыктатар правёў нараду.

Па даручэнні Аляксандра Лукашэнкі Саветам бяспекі 19 лістапада была праведзена міжведамасная нарада з-за чакаемага адкрыцця Літвой мяжы.

Дзяржсакратар Савета бяспекі Аляксандр Вольфовіч звярнуў увагу на паведамленні ў СМІ пра тое, што ўрад Літвы намерваецца адкрыць памежныя пункты пропуску на мяжы з Беларуссю з 20 лістапада. Аднак ён указаў таксама на непаслядоўныя, неканструктыўныя крокі ўрада Літвы і на тое, што беларускі бок сочыць за сітуацыяй і трымае яе пад пастаянным кантролем. Акрамя таго, адзначыў, што Літва не паведамляла Беларусі аб адкрыцці мяжы.

– Ніякіх афіцыйных паведамленняў ні аб закрыцці пунктаў пропуску, ні аб адкрыцці, як гэтага патрабуюць міжнародныя дамовы, на сённяшні дзень не паступала, — падкрэсліў Аляксандр Вольфовіч.