Балгарыя хоча ўвесці візавыя абмежаванні для грамадзян Беларусі

• 19.11.2025, 17:16

Ідзе дыскусія.

Балгарыя выконвае рашэнне Еўрапейскай камісіі аб спыненні выдачы грамадзянам Расіі шматразовых шэнгенскіх віз. Акрамя таго, краіна гатова абмеркаваць з партнёрамі па ЕС такія ж абмежавальныя меры ў дачыненні да Беларусі.

«Балгарыя ў святле рашэння Еўрапейскай камісіі аб спыненні выдачы шматразовых віз грамадзянам Расійскай Федэрацыі гатовая абмеркаваць з іншымі дзяржавамі-членамі Еўрапейскага саюза аналагічныя меры для грамадзян Беларусі, улічваючы, што Беларусь з'яўляецца адным з найбліжэйшых саюзнікаў Расіі», — перадае «Вот так» словы прадстаўніка Міністэрства замежных спраў Балгарыі.

Напярэдадні ў СМІ з'явіўся каментар неназванага высокапастаўленага чыноўніка ў Бруселі, які заявіў, што ЕС у цяперашні час не плануе адмяняць шматразовыя шэнгенскія візы для беларусаў. Аднак ён прызнаў, што дыскусія па гэтым пытанні пастаянна працягваецца.