Аўтобусамі «Мінсктранса» ў Рыгу і Каўнас можна паехаць ужо заўтра

• 19.11.2025, 16:41

Літва датэрмінова адкрывае мяжу.

Дзяржаўнае прадпрыемства «Мінсктранс» паведаміла, што з 20 лістапада 2025 года аднаўляе рэгулярныя аўтобусныя рэйсы з Мінска ў Рыгу (адпраўленне а 22:00) і ў Каўнас (адпраўленне а 23:30).

Адпаведна, 21 лістапада аўтобусы будуць адпраўляцца з Рыгі а 22:00 і з Каўнаса а 17:30.

Квіткі можна набыць на мінскім аўтавакзале «Цэнтральны» або на сайтах infobus.by, infobus.eu і intercars-tickets.com.

Як пісаў сайт Charter97.org, Літва датэрмінова адкрывае мяжу з Беларуссю. Пункты пропуску адкрыюць ужо заўтра, 20 лістапада.