Стала вядома, хто выкупіў большасць пуцёвак у санаторыях Мінскай вобласці

• 19.11.2025, 11:56

Ажыятаж звязаны з навагоднімі святамі.

Расіяне выкупілі большасць пуцёвак у санаторыях Мінскай вобласці, каб адзначыць Новы год з беларускім каларытам, паведамілі ў прадстаўніцтве «Мінскае абласное ўпраўленне Рэспубліканскага цэнтра па аздараўленні і санаторна-курортным лячэнні насельніцтва».

Кіраўніца ведамства Ірына Яўсеева адзначыла, што цікавасць расіян да здравніц Міншчыны стабільна расце.

«На навагоднія святы ўжо забраніравана 94,4% пуцёвак у санаторыях Мінскай вобласці, пры гэтым 65% пуцёвак выкупілі турысты з Расіі», — адзначыла яна.

У апошнія гады санаторна-курортны адпачынак у рэгіёне становіцца ўсё больш запатрабаваным сярод расіян. Іх доля сярод замежных наведвальнікаў павялічылася з 87% у 2019 годзе да 93% да 2025-га.