Знесены некалькі паверхаў: РФ ударыла па жылых шматпавярхоўках у Цярнопалі

• 19.11.2025, 10:31

З’явіліся кадры наступстваў камбінаванай атакі.

Раніцай 19 лістапада на тле расійскай ракетна-беспілотнікавай атакі ў Хмяльніцкай, Івана-Франкоўскай, Роўненскай, Львоўскай і Дняпрапятроўскай абласцях прагрымелі выбухі.

Спачатку з’явілася інфармацыя пра выбухі ў Хмяльніцкай вобласці.

Пазней СМІ паведамілі пра выбухі ў Бурштыне на Івана-Франкоўшчыне.

А 6:39 «Суспільне» паведаміла пра гук выбуху ў Цярнопалі і Львове, а пасля сёмай гадзіны раніцы зноў чулі выбухі ў Бурштыне на Івана-Франкоўшчыне і ў Дняпры.

Telegram-канал «Захід головне» паведамляе, што акупанты нанеслі ўдары па шматпавярхоўках у Цярнопалі.

«Тэрарысты ЗС РФ нанеслі і прамыя ракетныя ўдары па жылых дамах у Цярнопалі. Проста знеслі некалькі паверхаў», — гаворыцца ў паведамленні.

У Сеціве з’явіліся фота наступстваў варожай атакі.

Мэр Цярнопаля Сяргей Надал паведаміў, што расіяне ўдарылі па горадзе ракетамі і «шахедамі».

«Пашкоджаныя будынкі і жылыя дамы. Ёсць пацярпелыя. На месцы працуюць адпаведныя службы. Больш падрабязную інфармацыю пададзім пазней», — напісаў ён у Telegram.

Абноўлена. Паводле даных «Суспільне Тернопіль», на месцы траплення ў Цярнопалі працуюць ратавальнікі. Папярэдне вядома пра двух загінулых.